XV Aniversario de Murguía, Revista Galega de Historia.

Na pimavera de 2003 nacía Murguía, Revista Galega de Historia. Após década e media de andaina, o balance é absolutamente positivo (en número de subscricións e venda en librerías, así como no referido ás investigacións publicadas e promovidas).

Tempo no que se socializou sobranceiramente a historia de Galiza, desenvolvendo múltiples actos ligados aos números editados de Murguía, Revista Galega de Historia (presentacións, conferencias, seminarios…).

Algúns exemplares de Murguía, Revista Galega de Historia

A mediados de xullo sairá do prelo o volume 37 de Murguía, Revista Galega de Historia (revista semestral, que no seu inicio se lanzara como cuadrimestral). Presentarase unha nova imaxe e deseño, mais seguirán a se manter as liñas mestras que até o momento presidiron este proxecto.


Cara o outono realizaremos un encontro, con subscritoras e subscritores, lectoras e lectores de Murguía, Revista Galega de Historia, así como investigadoras e investigadores, para alén da equipa editorial; acto ao que estades todas e todos convidados,e do que daremos conta.

Grazas a todas e todos os que contribuístes (e ás e aos que contribuiredes), en forma de subscrición, compra en librarías, lectura en bibliotecas…, a engrandecer en definitiva este proxecto día a día!!

Comments are closed.

Web xerada a partir de WordPress | Deadline Theme : inspirada en Awesem e deseño de Orman