Murguía nas
librarías!
A túa revista de Historia
A túa revista de Historia
www.25abril.org
“Em
25 de Abril de 1974 o Movimento das Forças Armadas (MFA), derrubou
o regime de ditadura que durante 48 anos oprimiu o Povo Português. Restituindo
a Liberdade aos Portugueses, com a Revolução dos Cravos, os
militares de Abril acabaram também com o isolacionismo a que Portugal
estava condenado há já vários anos. Solucionando o problema
colonial, dando origem a novos países independentes, a Revolução
dos Cravos foi o movimento pioneiro de enormes transformações
democráticas em todo o mundo e demonstrou que as Forças Armadas
não estão condenadas a ser um instrumento de opressão
podendo, pelo contrário, ser um elemento libertador dos povos. Democratizar,
Descolonizar e Desenvolver foi o lema que então fez regressar Portugal
ao fôrum das nações livres e amantes da paz”. É
con estas significativas verbas coas que o presidente da dirección
da Associação 25 de Abril, Vasco Lourenço, nos dá
a benvida ao espazo desta entidade na rede. Co espírito reflectido
nestas liñas nace a Associação, sen fins lucrativos e
coa vontade de recuperar e consolidar para o povo portugués, e para
todas as nacións do mundo, os valores de Abril.
A páxina conta cun atractivo deseño e permítenos coñecer
boa parte do traballo que desenvolve a Associação, desde a edición
de diverso material relacionado coa revolución, até a conformación
dunha ampla biblioteca, património cultural, celebración de
congresos, posta en marcha dun Observatório da Democrácia e
un Centro de Documentación, etc.
Neste ano no que celebramos o trinta aniversário da derrota do fascismo
salazarista en Portugal, recomendamos esta visita como un exercício
máis de recuperación da memória histórica, heroica
neste caso, que tan de perto nos tocou. TEXTO: DAVIDE
LOIMIL
www.usc.es/troia/rochaforte/index.htm.
Páxina do proxecto
arqueológico da fortaleza medieval da Rocha Forte, que xurde a raíz
do convenio firmado entre o Concello de Santiago de Compostela e a Universidade
de Santiago, a través do Departamento de Historia I, para realizar
o estudio histórico-arqueolóxico da fortaleza medieval de A
Rocha Forte.
Este sitio mostra, cunha navegación sinxela, a localización
do xacemento, un resumo dos obxectivos e parámetros do proxecto, planimetrías
en CAD e imaxes da campaña 2003, así coma dos materiaís
máis significativos que apareceron na escavación da fortaleza
medieval. Ademáis conta cunha pequena lista de enlaces de intérese,
tanto para aficionados como para estudosos da arqueoloxía.
Visitando esta dirección obteremos datos históricos e técnicos
sobre a fortaleza destruída na segunda guerra irmandiña en 1467,
e tamén dos traballos arqueolóxicos desenvolvidos nun lugar
de amplo valor e significado histórico para a capital de Galiza.TEXTO:
VÍTOR VÁZQUEZ
www.vianovaxviii.com
Esta páxina
presentanos un novo concepto de itinerario cultural a traves do legado de
Roma na Baixa Limia. O seu eixo vertebrador é a via nova de Antonino,
que unía Asturica Augusta (Asturias) con Braccara Augusta (Braga),
xunto co seu patrimonio circundante de gran riqueza e potencial arqueolóxico
e turístico. Polo cal os seus impulsores, a fundación ‘Aquae
Quarquernnae Via Nova’, pretenden a creación dun grande itinerario
cultural transfronteirizo, sendo punto de partida o campamento militar de
Aquis Quarquennis un dos grandes conxuntos arqueolóxicos do Noroeste
peninsular.
Polo tanto, non nos atopamos cun sitio de arqueoloxía stricto senso,
senón que é unha breve exposición do ambicioso proxecto
de posta en valor dun amplo patrimonio histórico a traves dunha das
meirandes obras de enxeñeria feitas polo Imperio Romano no noso territorio.
Deste tipo de iniciativas xa existen paralelos no estado español e
tamen en Europa, como nos mostran os enlaces que ofrece, mesmo doutras rutas
e proxectos similares. TEXTO: V.V.
[Murguía, Revista Galega de Historia nº3 Xaneiro-Abril 2004
| ISSN 1696-9197]
